İron iyən Tırkəmənistoni miyono 9 qılə həmkari sənəd imzo bıə.

Imruj iyən qılyə mərosimi çərçivədə ki İron və Tırkəmnistoni przidenton həm iştirokışon be, 9 qılə həmkari sənəd Tehron-İşğabadi rəsmi şəxson miyono imzo bıə.

Tırkəmənistoni prezident, Sərdor Berdiməmədov de İroni prezident Seyd İbrohim Rəisi rəsmi dəvəti və de qıləy yolə siyosi-iğtisodi heyəti bə ico zinə bə Tehron varid be.

Bə İranpres aqentiyəti raporti əsos, həminə mərosimi bəpeşt, nəğliyot, elmi-mədəni, ekoloqiyaku muhafizə karde iyən ticori-iğtisodi əloğəon barədə muğavilə-sənədon 2 qılə prezidenton nəzdədə imzo be.

Peşo Tırkəmənistoni prezident, Sərdor Berdiməmədov iyən İroni prezident Seyd İbrohim Rəisi qıləy mətbuat iclosədə iştirok kardışone iyən bə jurnaliston sovalon cəvob doşone.

İroni prezident Seyd İbrohim Rəisi ımruj sıb rəsmən Səəd Abad mədəni-torixi sarayədə bə Tırkəmənistoni prezident, Sərdor Berdiməmədovi pişvoz şə iyən 2 tərəf ıştən 2 tərəfi votımon-muzakiron bino kardışone.