İsrailədə Xaxamon ozodion bois bıə ki jenon, hırdənon xususi mısılmonə şahrvandon əmniyyət təhdid bıbu.
Im kərə Muşe Katsav, dınyo ictimaiyəti bə həyrət vardə. əv məhkum bıə ki bə 7 nəfər jen təcavuz kardəşe.
Im Xaxam iddioş kardə ki ilahi xusiyəton soybe. əv votışe az jenon rozi kardəm be ki ə çi ki əncom dodəm bois bəbe çəvon qınohon pok bıbu.
Im Xaxam ki Həridi yəhudiyon miyonədə vey barzə vırə soybe, qıləy dini məktəbi mudiriyət kardey zəmonədə həm təcavyzun əncom doəş be.
Xaxamon bədnoməti siyohə vey dıroze, bəçəvonku məşhurə bədnomətion Zaka komək rosniyə məşhurə cəmiyəti rəis, Xaxam Yəhuda Mişi Zohf be ki oşko bıə bə kali jenon, hırdənon və nocıvonon cinsiyə təcavuz kardəş be.
Həminə bevəcə ko əncom doe royədə co qılə yəhudi və məşhurə şəxsiyət, Xaxam və Hayim Valder hırdənon dastanon nıvıştə kəs be ki təğribən har qılə israili kədə çəy barədə məcmuə dastanon mıvcude, ım dastanon bə hırdənon təcavuzi barədə oqohəti onvane. əv iminnə şəxs be ki televeziya bərnomədə dini məktəbonədə bə hırdənon ələyh cinsi təcavuti oqohəti mıvzo icraş kardə.
Nəhayətədə sobit bıə ki ıştən həm bə 20 nəfər jen iyən hırdən təcavuz kardəşe və ımon ifşo bey bəpeşt, ıştənış kışte.
Sionist rejimədə Xaxamon cinsi təcavuz, karde zınəş nıbe dini rəsmi şəxson metodi əvəz kardey bois bıbu, bəlkəm cəhd kardedən anədə ki bıbu ım məsələon məxfi kon və əvoni inkor kon. həmçınin bə əvoni ki təcavuz kardışone təziğ vardi kardedən ki əvon hiç çi ifşo nıkon.
Bə kali raporton əsos, işğali sərzəminonədə har manq, de diğğət bə Xaxamon vey ozodion 500 qılə cinsi təcavuz əncom bəy holədəy.