İroni Bazərqan sərhədədə Azərbaycan Respublika və Tırkiyə zaironku pişvaz əncom bəbe.
Imsor Şəhrivərə manqi 26, (Hicri Ğəməri 1444 minnə sori səfə manqi 20, miladi 2022 minnə sori sentiyabri 17), Kərbəloədə şiəyon 3 minnə İmom Həzrət İmom Huseyn(ə) və çəy bəfodorə əshobi şəhodəti 40 minnə ruje, və de diğğə bə zəmini marzon oj bey ki korona virusi bıhroni bəpeşt iminnə kərəro əncom bıə, ımsor İronıjə zairon Ərbəine Huseyni(ə) şemoni iştirokiro veyə hərorətin iyən şovği soybin.
Bə Fars aqentiyəti raporti əsos, Şəhid Bakeri xıdmət xeymə ki çand sor bəbe İroni Bazərqan Sərhədədə Tırkiyə, Azərbaycan Respublika və Qorcıstoni zairon ğəbul kardedə, ımsor həm de muxtəlifə bərnoməon icra və mədəni pəketon pəxş iyən İmom Huseyn(ə)-i zairon ğəbul kardey vositə, bə İmom Huseyn(ə)-i mehvəri əsos, ğəşənqə səhnəon icodış kardə.
Dəvardə soronədə, mısılmonon və co İlahi dinon tərəfdoronku kali, bə İmom Huseyn(ə)-i şəhodətə Ərbəini çand ruj mandə, de şemoni royku Nəcəf iyən İraği co şəhronku ıştəni bə Kərbəlo və İmom Huseyn(ə)-i pokə hərəm rosniyedən.