"Ğaem 100" nomo bıə hışkə sutemoni peyki iminnə mərhələ maşini suborbitali pərre test de muvəffəğiyət əncom bıə.
De İslamiyə İnğilobi Sepah təşkilati ayrokasmik ğıvvə kamandir, Qeneral ƏmirƏli Hacizodə iyən silohinə ğıvvon bəzi rəsmi şəxson iştirok, "Ğaem 100" nomo bıə hışkə sutemoni peykədə Rafe iminnə mərhələ maşini suborbitali pərre test, de muvəffəğiyət əncom bıə.
"Ğaem 100" nomo bıə hışkə sutemoni peyk, qıləy peyke ki de 3 mərhələ sutemon karde zınəş bəbe zəmini səthiku 500 kilometrə orbitədə, peykoni ki 80 kiloqerəm vəznışone, ğəror bıdə.
Bə Mehr aqentiyəti raporti əsos, zinə ruji testədə, "Ğaem 100" nomo bıə peyki iminnə maşin ki həmonə Rafe hışkə sutemoni maşine, və Hicri Şəmsi 1400 minnə sori Dey manqədə ıştə zəmini testi de muvəffğiyət dəvarde be, suborbit pəre testədə ğərorış qətə.
De ım mərhələ dəvardey, nezə vəomeyədə islamiyə İnğilobi Sepah ayrokasmik Təşkilat de "Ğaem 100" nomo bıə bərkə sutemoni peyki istifodə kardey vositə, orbitədə kəşfiyot texnoloqiya iyən rabitəon vəzarətxonə ayrokasmiki təşkilati Nahid nomo bıə peyk ğərorış bədoe.
Sepah Təşkilati peyk vığandey orbiti mərkəzədə, ım peyki test kardey mərosimi kənoədə, İslamiyə İnğilobi Sepah təşkilati ayrokasmik ğıvvə kamandir, Qeneral ƏmirƏli Hacizodə votışe: istikborinə kişvəron bə Amerkə çırkin iyən terroristiyə rejimi rəhbəriyəti və de deştə həmmə zumandətion İroni vey yolə milləti inkişofin vədə mandən və karde zınəşon ni ki İron İslam Respublika fəxrinə muvəffəğiyəon bıvindon.